काठमाडौं । पशुपति आर्यघाटमा बुबाको दाहसंस्कार गरेर गोरखा फर्किँदा त्रिशुलीमा ट्याक्सी दुर्घटनामा बेपत्ता भएका विवस रोकाको शव चार दिनपछि फेला परेको छ।
गत शुक्रबार काठमाडौँमा निधन भएका शंकर रोकाको दाहसंस्कार गरी फर्कने क्रममा बा २ ज ४१९६ नंबरको ट्याक्सी पृथ्वीराजमार्गको सिमलधाराबाट त्रिशुलीमा खस्दा बेपत्ता भएका गोरखा नगरपालिका ७ पौवाखेतका विवशको शव बुधबार बिहान आठ बजे त्रिशुली किनारमा फेला परेको प्रहरीले जनाएको छ।
सो ट्याक्सी दुर्घटना हुँदा एकै परिबारका पाँचजनाको मृत्यु भएको थियो भने विवश बेपत्ता थिए।
उनको शव कालीखोलास्थित त्रिशुली किनारमा फेला परेको डिएसपी रमेशकुमार श्रेष्ठले जानकारी दिए। सनाखत गरी शव गोरखातर्फ ल्याउँदै गरेको उनले बताए। उनको पोस्टमार्टम गरी अन्त्यष्टिका लागि आफन्तलाई बुझाइने प्रहरीले जनाएको छ।
प्रकाशित मिति: २१ चैत्र २०८०, बुधबार
प्रतिक्रिया