काठमाडौँ । शुक्रबार बिहानबाट अशान्त बनेको सुनसरीको भुटाहा बजार तनावग्रस्त बनेको छ। हिन्दु र मुस्लिम समुदाय दोहोरा भिडन्तमा उत्रिएपछि अवस्था नियन्त्रण बाहिर गएको हो। दिउँसो १ बजेपछि सुरु तनाव दोहोरो झडपमा परिणत भएको छ।
प्रदर्शनकारीले गाउँपालिकाको कार्यालय, इलाका प्रशासन कार्यालय र प्रहरी पोष्टमा क्षति पुर्याएका प्रहरीले जनाएको छ।
सुनसरी प्रमुख जिल्ला अधिकारी जयनारायण आचार्यका अनुसार अहिलेसम्म ८० राउण्ड बढी हवाई फायर भइसकेको छ। केही व्यक्ती घाइते भएका छन् ।
अश्रुग्याँस र हवाई फायर के कति भएको भन्ने विषय यकिन भई नसकेको प्रजिअ आचार्यले बताए । निषेधाज्ञाका बाबजुद भीड नियन्त्रणमा आउन नसकेको बताइएको छ । अवस्था नियन्त्रणमा लिन हरसम्भव प्रयास भइरहेको प्रहरीले जनाएको छ ।
- प्रशासन
प्रकाशित मिति: २३ चैत्र २०८०, शुक्रबार
प्रतिक्रिया