रामेछाप । रामेछापको खाँडादेवी गाउँपालिका–४ सान्नेफेदीमा बोलेरो गाडी दुर्घटना भएको छ ।
गाउँपालिकाको त्रिवेणीबाट सान्ने तर्फ जादै गरेको बाबा ६ च ९१६२ नम्बरको बोलेरो गाडी गुडिरहेको अवस्थामा अचानक ब्याक भई सडकमा पल्टिएर दुर्घटना भएकाे हो ।
दाहासंस्कार गरी मलामी घर फर्कने क्रममा बा ६ च ९१६२ बोलेरो सान्नेफेदीमा अनियन्त्रित भई पल्टिँदा राम भक्त श्रेष्ठ , केशव श्रेष्ठ, जित ब. श्रेष्ठ, कुमार श्रेष्ठ गम्भीर घाइते भएका छन्।
दुर्घटनमा परी बोलेरोमा सवार मध्य १५ जना घाइते भएको जिल्ला प्रहरी कार्यालय रामेछापका डिएसपी प्रदिप सिंहले जानकारी दिए । घाइतेहरुलाई स्थानीय र प्रहरीले तत्काल नै उद्दार गरेर मन्थली अस्पतालमा उपचार भइरहेको छ । गाडी चालक अरुण माझीलाई प्रहरीले नियन्त्रणमा लिएको छ ।
प्रकाशित मिति: १२ बैशाख २०८१, बुधबार
प्रतिक्रिया