विराटनगर । हिरो मोटरसाईकलको नेपालका लागि आधिकारिक विक्रेता सीजी मोटर्सले आईसीसी टी–२० विश्वकपमा भाग लिइरहेको नेपाली क्रिकेट टिमलाई शुभकामना स्वरुप नेपालका विभिन्न स्थानमा मोटरसाईकल र्याली निकालेको छ ।
नेपाल र नेपालीको सानलाई टी–२० विश्वकप क्रिकेट मार्फत विश्वभरी चिनाउने नेपाली खेलाडीको हौसला बढाउन मोटरसाईकल र्याली निकालिएको हो ।
विराटनगर विक्रेता लक्ष्मी ट्रेडिङ हाउस प्रा.लि ले मंगलबार मोटरसाईकल र्याली निकाल्यो । मुनालपथस्थित शोरुमबाट निकालिएको शुभकामना र्याली बरगाछी, तीनपैनी, रोडशेष चोकबाट धरान रोड हुँदै पुनः मुनालपथमै पुगेर सम्पन्न भएको थियो।
र्यालीमा सहभागीहरुले खेलाडिको हौसलास्वरुप चियर अप नेपाल लेखेको टिसर्ट लगाई राष्ट्रिय झण्डा बोकेका थिए । शुभकामना र्यालीले खेलकुदमार्फत नेपाल र नेपालीहरुको सानलाई विश्वभरी पुर्याउन मद्दत पुग्ने कम्पनीको विश्वास छ।
प्रकाशित मिति: २२ जेष्ठ २०८१, मंगलबार
प्रतिक्रिया