नवलपरासी । पूर्वी नवलपरासीको कावासोती नगरपालिकामा नगरपालिकाले निर्माण गर्दै गरेको नालामा पुरिएर तीनजना मजदुरकाे निधन भएको छ। ज्यान गुमाउनेमा सबै महिला रहेका छन्। उनीहरू सबै नालामा काम गर्दै गरेका मजदुर हुन्।
प्रहरीका अनुसार ढिस्कोले पुरिएर कावासोती ५ लक्ष्मीनगरनिवासी ५१ वर्षीया सेती राना, २६ वर्षीया तानमाया गाहा र ३२ वर्षीया चमेली दर्लामीको निधन भएको हो।
उनीहरूलाई जेसिबी र स्थानीयको सहयोगमा प्रहरीले उद्धार गरेर जिल्ला अस्पताल डन्डा पुर्याए लगत्तै अस्पतालले मृत घोषणा गरेको हो। उक्त नाला विश्व बैंकको २७ करोड सहयोगमा निर्माण गरिएको थियो। केही दिनभित्र काम सक्ने गरी काम भइरहेको थियो।
प्रकाशित मिति: ३१ जेष्ठ २०८१, बिहिबार
प्रतिक्रिया