भक्तपुरमा पाँचजना बेपत्ता, खोजी कार्य जारी

काठमाडौं । भक्तपुरमा पाँचजना बेपत्ता भएका छन् ।

निरन्तरको वर्षापछि आएको बाढी तथा पहिरोमा परेर उनीहरू बेपत्ता भएको जिल्ला प्रहरी परिसर भक्तपुरका प्रवक्ता मोहनमणि अधिकारीले जानकारी दिए ।

उनका अनुसार ठिमीमा पहिरोले चारजना र आशापुरीमा बाढीमा परी एक जना बेपत्ता भएका हुन् । उनीहरूको पहिचान खुलेको छैन । उनीहरूको खोजी कार्य जारी रहेको छ ।

भक्तपुर क्षेत्रमा मनोहरा, हनुमन्ते घट्टेलगायतका खोला बढेर वस्ती पसेका थिए । अहिले भक्तपुर पूरै जलमग्न छ ।

प्रकाशित मिति: १२ आश्विन २०८१, शनिबार