काठमाडौं । नागढुंगा नजिकै झ्याप्ले खोलामा गएको पहिरोमा परी अहिलेसम्म ३५ जनाको मृत्यु भएको छ ।
गोरखा, चितवन, बुटवलबाट काठमाडौं आउँदै गरेका बस र माइक्रो बस पहिरोले पुर्दा ३५ जनाको मृत्यु भएको प्रहरीले जनाएको छ । शनिबार राति १४ र आइतबार बिहान २१ जनाको शव निकालिएको छ ।
घटनास्थलमा अन्य गाडीहरू पनि पुरिएको आशंकामा खोजी कार्य जारी रहेको प्रहरीले जनाएको छ । जाममा रहेको बेलामा माथिबाट एक्कासी पहिरो खस्दा कति गाडी पुरिएका छन् भन्ने भने यकिन भइसकेको छैन ।
पहिरोमा अझै केही व्यक्ति पुरिएको हुनसक्ने प्रहरीको आशंका छ । अहिले सुरक्षाकर्मीको टोलीले खोजी गरिरहेको छ ।
प्रकाशित मिति: १३ आश्विन २०८१, आइतबार
प्रतिक्रिया