रामेछाप । सिन्धुली र रामेछापलाई जोड्ने खुर्कोटको पुलको निर्माण कार्य सम्पन्न भएको छ । बुधबार साँझ खुर्कोटको पुलमा बेलिब्रिज निर्माण भएसँगै दुई सडक जोडिएको हो ।
नेपाली सेनाले दुई जिल्ला जोड्ने रामेछापको मुख्य मार्ग सुचारु गर्ने बाटो अन्तिम चरणमा पु¥याएको जनाएको छ । रामेछापको लाइफ लाइनको रूपमा रहेको खुर्कोट पुल गत असोज ११ र १२ गते परेको अविरल वर्षाको कारण सुनकोसी नदीले बगाएको थियो । खुर्कोटको पुल बगाए पश्चात् रामेछाप सहित ओखलढुङ्गा प्रवेश गर्ने यात्रुले समस्या भोग्नु परेका थियो ।
शनिवारसम्म जडानको काम पूर्ण रुपमा सकेर यातायात सुचारु गरिने पुल निर्माणमा प्राविधिक कामको नेतृत्व गरेका नेपाली सेनाको चौध बाहिनी अड्डाका मेजर चिरञ्जीवी चौलागाईले बताए ।
प्रकाशित मिति: १ कार्तिक २०८१, बिहिबार
प्रतिक्रिया