काठमाडौं । गृहमन्त्री रमेश लेखक र राष्ट्रिय स्वतन्त्र पार्टीका उपसभापति डोल प्रसाद (डिपी) अर्यालबीच भेटवार्ता भएको छ। उपसभापति अर्यालले सोमबार साँझ गृहमन्त्रीसँगको भेटको पुष्टि गर्दै समसामयिक विषयमा छलफल भएको बताए।
अर्यालका अनुसार, “हाम्रो भेट हिजो साँझ साढे ६ बजे भएको थियो। यसमा समसामयिक घटनाबारे कुराकानी गरियो।”
उपसभापति अर्यालले भने, “हामी आजको आन्दोलनका विषयमा छलफल गर्न भेला भएका हौँ। हाम्रो आन्दोलन शान्तिपूर्ण छ, र काठमाडौँमा बालुवाटार केन्द्रित भएकोले शान्ति र सुरक्षा पनि महत्त्वपूर्ण विषय हो।”
सहकारी बचत अपचलनमा रवि लामिछानेको गिरफ्तारीपछि राष्ट्रिय स्वतन्त्र पार्टी सडक आन्दोलनमा उत्रिएको छ।
प्रकाशित मिति: १३ कार्तिक २०८१, मंगलबार
प्रतिक्रिया