काठमाडौं । काठमाडौंको शंखरापुर नगरपालिका–९ स्थित साँखु–थली सडक खण्डमा झाँक्री प्रकाश भुजेलको गाडीले ठक्कर दिँदा एक मोटरसाइकल चालकको मृत्यु भएको छ। कागेश्वरी मनोहरा नगरपालिका–२ निवासी नारायण नगरकोटीले उपचारको क्रममा ज्यान गुमाएका हुन्।
जिल्ला प्रहरी कार्यालय काठमाडौंका एसपी नवराज अधिकारीले उपचारका क्रममा नगरकोटीको मृत्यु भएको पुष्टि गरे।
सिन्धुपाल्चोक घर भई जोरपाटी बस्ने बा.१९ च २६९५ नम्बरको गाडीका मालिक झाँक्री भुजेललाई प्रहरीले पक्राउ गरेको छ। एसपी अधिकारीका अनुसार दुर्घटनापछि फरार रहेका भुजेललाई पक्राउ गरी प्रहरी वृत्त बौद्धमा राखिएको छ। अनुसन्धानका क्रममा दुर्घटनाको बेला गाडी भुजेलले नै चलाएको पाइएको छ।
भुजेलको गाडीले बागमती प्रदेश–०२–०१८ प ६८७५ नम्बरको मोटरसाइकललाई ठक्कर दिएको थियो। मोटरसाइकलमा सवार चालककी पत्नी किसानुमाया नगरकोटी घाइते भएकी छन्, जसको ग्राण्डी अस्पतालमा उपचार भइरहेको छ।
प्रकाशित मिति: २८ कार्तिक २०८१, बुधबार
प्रतिक्रिया