फेरि बढ्यो सुनको भाउ, कति पुग्यो मुल्य ?

काठमाडौं । बिहीबार नेपाली बजारमा सुनको मूल्य बढेको छ।

नेपाल सुनचाँदी व्यवसायी महासंघकाअनुसार आज छापावाल सुनको मूल्य तोलामा १ हजार रूपैयाँले बढेर १ लाख ६४ हजार रूपैयाँमा कारोबार भइरहेको छ ।

यसअघि बुधबार सुनको मूल्य तोलामा ९ सय रूपैयाँ, मंगलबार १ हजार १ सय रूपैयाँ र सोमबार १ हजार रूपैयाँले बढेको थियो ।

यस्तै, आज चाँदीको मूल्य भने स्थिर रहेर तोलाको १ हजार ९ सय ५० रूपैयाँमा कारोबार भइरहेको महासंघले जनाएको छ ।

प्रकाशित मिति: ६ मंसिर २०८१, बिहिबार