भक्तपुर । मध्यपुरथिमि नगरपालिका–३ गठ्ठाघरचोकमा आज बिहान भएको सवारी दुर्घटनामा एकजनाको मृत्यु भएको छ भने अर्का एक व्यक्ति गम्भीर घाइते भएका छन्।
काठमाडौँतर्फ जाँदै गरेको ट्रकले स्कुटरलाई ठक्कर दिँदा भक्तपुर नगरपालिका–५ द्यौलाबस्तीका जिते द्यौला गम्भीर घाइते भएका छन्। दुर्घटनामा उनकी श्रीमती नवीनाको घटनास्थलमै मृत्यु भएको हो।
घाइते जिते द्यौलाको गठ्ठाघरस्थित नागरिक कम्युनिटी अस्पतालमा उपचार भइरहेको छ।
यसैबीच, प्रहरीले ट्रक र चालक मकवानपुरगढी गाउँपालिका–४ का बुद्धबहादुर घलानलाई नियन्त्रणमा लिएको छ।
प्रकाशित मिति: १३ मंसिर २०८१, बिहिबार
प्रतिक्रिया