काठमाडौं । राष्ट्रिय स्वतन्त्र पार्टी (रास्वपा) का सभापति रवि लामिछानेलाई आज बिहीबार अपराह्न काठमाडौं ल्याइने भएको छ।
पोखरा अन्तर्राष्ट्रिय विमानस्थलका स्रोतका अनुसार उनलाई साँझ ५ बजे बुद्ध एयरको जहाजमार्फत काठमाडौं ल्याइनेछ। लामिछानेलाई सहकारी ठगी र संगठित अपराधको आरोपमा गत कात्तिक २ गते पक्राउ गरी कास्कीमा हिरासतमा राखेर अनुसन्धान भइरहेको थियो।
यसअघि काठमाडौं जिल्ला अदालतले लामिछानेविरुद्ध पक्राउ पुर्जी जारी गरिसकेको छ। उनलाई काठमाडौं ल्याएर अदालतमा बयान लिइने योजना रहेको छ।
जिल्ला प्रहरी परिसर काठमाडौंले पनि लामिछानेलाई आज पोखराबाट काठमाडौं ल्याउने तयारी गरिएको पुष्टि गरेको छ।
प्रकाशित मिति: १३ मंसिर २०८१, बिहिबार
प्रतिक्रिया