काठमाडौं – सिंहदरबारस्थित खानेपानी मन्त्रालयको माथिल्लो तलामा शनिबार बिहान अचानक आगलागी भएको छ। हाल सुरक्षाकर्मीको टोलीको आगो नियन्त्रणमा लिएको छ।
काठमाडौं जिल्ला प्रहरी परिसरका प्रवक्ता, प्रहरी उपरीक्षक (एसपी) अपिलराज बोहोराका अनुसार बिहान करिब ८:४५ बजे आगलागी भएको थियो। ‘आगलागी नियन्त्रणमा लिन करिब १५ देखि २० मिनेट लाग्यो,’ उनले जानकारी दिए।
आगलागीको कारणबारे प्रहरीद्वारा अनुसन्धान सुरु गरिएको छ। साथै, क्षतिको मूल्यांकन पनि भइरहेको एसपी बोहोराले बताएका छन्। प्रारम्भिक जानकारीअनुसार, आगलागी खानेपानी मन्त्री प्रदीप यादवको कार्यकक्षमा भएको हो।
यस घटनासँग सम्बन्धित थप विवरण आउन बाँकी छ।
प्रकाशित मिति: २६ माघ २०८१, शनिबार
प्रतिक्रिया