काठमाडौं । जिल्ला प्रशासन कार्यालय काठमाडौंले आगामी दुई महिना काठमाडौंका विभिन्न क्षेत्रमा निषेधाज्ञा जारी गरेको छ।
हिजो (आइतबार)देखि लागू हुने गरी पुनः निषेधाज्ञा जारी गरिएको हो। प्रशासनले निषेधित क्षेत्रभित्र पाँच जना भन्दा बढी व्यक्ति भेला भई अनशन, धर्ना, जुलुस, प्रदर्शन वा सभा गर्न नपाउने आदेश दिएको छ।
निषेधाज्ञा लागु हुने स्थानहरूमा राष्ट्रपति भवन (शीतल निवास) महाराजगञ्ज, उपराष्ट्रपति कार्यालय (हरितगृह) लैनचौर, सिंहदरबार, प्रधानमन्त्रीको सरकारी निवास बालुवाटार, र संसद भवन नयाँ बानेश्वर क्षेत्र समावेश छन्।
प्रकाशित मिति: २६ फाल्गुन २०८१, सोमबार
प्रतिक्रिया