मकवानपुर — मकवानपुरको बकैया गाउँपालिका–४, जुरेलीबजार नजिकै आज बिहान मोटरसाइकल दुर्घटना हुँदा एक जनाको मृत्यु भएको छ।
हात्तीसुडेबाट ठूलोदमारतर्फ जाँदै गरेको बा ४० प ५३०६ नम्बरको मोटरसाइकल अनियन्त्रित भई दुर्घटनाग्रस्त भएपछि चालक ३३ वर्षीय रुपक दियालीको ज्यान गएको जिल्ला प्रहरी कार्यालय मकवानपुरका प्रवक्ता प्रहरी नायब उपरीक्षक श्यामु अर्यालले जानकारी दिए।
गम्भीर घाइते भएका दियालीलाई उपचारका लागि हेटौंडा अस्पताल लैजाने क्रममा बाटोमै मृत्यु भएको प्रहरी नायब उपरीक्षक अर्यालले बताए।
प्रकाशित मिति: २८ फाल्गुन २०८१, बुधबार
प्रतिक्रिया