काठमाडौं – काठमाडौंको तीनकुनेस्थित गैरीगाउँ क्षेत्रमा आज बिहान भएको सडक दुर्घटनामा दुई जनाले ज्यान गुमाएका छन् भने एक जना घाइते भएका छन्।

बिहान करिब ४:३० बजे रा१ख २६२२ नम्बरको टिपरले प्र३-०२-००३ प ६२४५ नम्बरको मोटरसाइकललाई ठक्कर दिँदा, मोटरसाइकलमा सवार काभ्रेपलाञ्चोक पनौती नगरपालिका-११ निवासी सुकराम तामाङ र बेथानचोक गाउँपालिका-६ निवासी रमेश तामाङ गम्भीर घाइते भएका थिए।

Advertisement

दुर्घटनापछि तत्काल उद्धार गरी दुबै जनालाई उपचारका लागि ट्रमा सेन्टर लगिएको थियो। तर, चिकित्सकहरूको प्रयासका बाबजुद उपचारकै क्रममा उनीहरुको मृत्यु भएको प्रहरी वृत्त बानेश्वरले जनाएको छ।

ठक्कर दिने टिपरका चालक घटनापछि फरार भएका छन् भने टिपरको मालिक प्रहरी सम्पर्कमा आएका छन्। यस घटनाबारे थप अनुसन्धान भइरहेको प्रहरीको भनाइ छ।

प्रकाशित मिति: १ चैत्र २०८१, शनिबार

ग्लोबल नागरिक संवाददाता

'हामी जे देख्छौं, त्यही लेख्छौं र देखाउछौं'
सत्य-तथ्य निष्पक्ष ताजा समाचार'

यो खबर पढेर तपाईलाई कस्तो महसुस भयो ?


स्रोतहरू खुलाइएका बाहेक ग्लोबल नागरिकमा प्रकाशित सम्पूर्ण सामग्रीहरू ग्लोबल जर्नालिस्ट ग्रुपका सम्पत्ति हुन् । यसमा प्रकाशित कुनै पनि सामग्रीहरू छापा, विद्युतीय, प्रसारण वा अन्य कुनै पनि माध्यमबाट पुनःप्रकाशन वा प्रसारण गर्नुअघि अनुमति लिनुहुन अनुरोध छ ।

©2025 GlobalNagarik All rights reserved. | Website by Appharu.com