काठमाडाैं — नेपाली कांग्रेसका महामन्त्री गगनकुमार थापाले पूर्वप्रधानमन्त्री केपी शर्मा ओलीको नेतृत्वमा बनेको तत्कालीन नेपाल कम्युनिष्ट पार्टीको सरकारले देशलाई गम्भीर आर्थिक संकटमा धकेलेको आरोप लगाएका छन्। रुपन्देहीमा आयोजित कांग्रेस क्षेत्रीय सम्मेलनलाई सम्बोधन गर्दै थापाले ओली सरकारको निर्णयकै कारण अहिले मुलुक ऋणको भारी बोकेर हिँड्न बाध्य भएको बताएका हुन्।
महामन्त्री थापाले ओली नेतृत्वको सरकारले विकासको नाममा ऋण लिएर अपारदर्शी र अनुत्पादक काममा खर्च गरेको उल्लेख गर्दै भने, “त्यो सरकारले ऋण लिएर जनताको हित नहुने संरचना बनायो, आवश्यक नपर्ने स्थानमा भवन खडा गर्यो, हावामा तैरिने सपना देखाउँदै अस्पतालका नाममा हाडनपुग्ने ईंटा हाल्यो।”
उनले वर्तमान सरकारले ती विगतका गल्तीहरू सच्याउने जिम्मेवारी लिएको बताउँदै थपे, “हामीलाई तर्साइन्छ, ‘देश ऋणमा डुब्यो’ भनेर। तर हामीले ऋण लिएर घिउ खानुहुँदैन। ऋण लगानी हो, तर त्यसलाई सही ठाउँमा खर्च गर्नुपर्छ। ओली सरकारको ठूला गल्ती यहीँबाट सुरु भयो — अनावश्यक पूर्वाधार, योजनाविहीन संरचना र जनताको भन्दा प्रचारमुखी सोच।”
प्रकाशित मिति: २७ चैत्र २०८१, बिहिबार
प्रतिक्रिया