सेनाले भन्यो– अमेरिकालाई पत्र लेखेको हो तर भूकम्पको उद्धारका लागि

काठमाडौं । नेपाली सेनाले सन् २०१५ मा अमेरिकालाई लेखेको पत्रबारे स्पष्टीकरण दिँदै त्यसबेला विशेष परिस्थिति भएको जनाएको छ ।

नेपालमा गएको भूकम्पपछि विश्वका कैयौँ देशसँग सहयोगका लागि आग्रह गरिएको उल्लेख गर्दै नेपाली नेपाली सेनाका प्रवक्ता नारायण सिलवालले भने, “ सार्वजनिक भएको पत्र सन् २०१५ मा भूकम्प गएपछि नेपालले सबैतिर सहयोग माग्दा लेखिएको पत्र हो । त्यसबेला अमेरिकासँग पनि मागेको हो । त्यहाँ सहयोग माग्ने क्रममा पत्र लेखिएको हो । उनीहरुको अनुभवका कारण सहयोग लिन खोजेको हो। त्यो बेलामा आईपीएस पनि थिएन । अहिलेको अवस्थामा फरक तरिकाले व्याख्या गरिएको छ । अहिलेको अवस्थालाई हामीले राम्रोसँग बुझेका छौं ।”

उनले अमेरिकाका लागि लेखिएको पत्र आधिकारिक भएको बताए ।

प्रकाशित मिति: २ असार २०७९, बिहिबार