काठमाडौं । नेकपा एमालेका प्रमुख सचेतक महेश बर्तौलाले संसदको अवरोध अन्त्य गर्ने दिशामा दलहरू समझदारीको नजिक पुगेको बताएका छन्।
आइतबार संसद भवन नयाँ बानेश्वरमा सञ्चारकर्मीहरूसँग कुराकानी गर्दै बर्तौलाले भिजिट भिसा प्रकरणमा प्रतिपक्षले उठाएका विषयमा निरन्तर संवाद जारी रहेको र दलहरू समाधानकाे बिन्दुमा पुग्न लागेको जानकारी दिए।
उनका अनुसार सोमबारको संसद बैठक अघि पनि दलहरूबीच निरन्तर छलफल हुने तय भएको छ। “दिउँसो २ बजेकाे बैठक सहज रूपमा सञ्चालन होस् भनेर आइतबार भएको छलफल सकारात्मक दिशामा अगाडि बढेको छ,” बर्तौलाले भने।
सरकार भ्रष्टाचार नियन्त्रणप्रति गम्भीर रहेको र राज्यका निकायहरूमा हुने अनियमितता रोक्न प्रतिवद्धता जनाउने कुरामा समेत छलफल केन्द्रित भएको उनले बताए।
यद्यपि दलहरूबीच समझदारीको कुनै औपचारिक मस्यौदा भने हालसम्म तयार नभएको उनले स्पष्ट पारे।
प्रकाशित मिति: २५ जेष्ठ २०८२, आइतबार
प्रतिक्रिया