काठमाडौं । नागरिक उन्मुक्ति पार्टीका संरक्षक रेशमलाल चौधरी र प्रधानमन्त्री केपी शर्मा ओलीबीच सोमबार बालुवाटारमा भेटवार्ता भएको छ।
सरकारलाई दिएको समर्थन फिर्ता लिने घोषणापछि भएको उक्त भेटमा चौधरीले सुदूरपश्चिम सरकारमा पार्टीको तर्फबाट मन्त्री बनेका रामेश्वर चौधरीलाई बिना कारण हटाइएकोप्रति गुनासो गरेका थिए।
बालुवाटार स्रोतका अनुसार चौधरीले मन्त्री बर्खास्तप्रति असन्तुष्टि जनाउँदै संघीय सरकारप्रति पार्टीको समर्थन कायमै राख्ने वा फिर्ता लिने विषयमा पुनर्विचार गरिने बताएका छन्।
यसअघि मन्त्री हटाएको घटनालाई लिएर संरक्षक चौधरी र पार्टी अध्यक्ष रञ्जिता श्रेष्ठले सरकारलाई दिएको समर्थन फिर्ता लिने निर्णय गरेका थिए। साथै, अब पार्टी प्रतिपक्षमा बस्ने घोषणा समेत गरिएको थियो।
प्रकाशित मिति: २३ असार २०८२, सोमबार
प्रतिक्रिया