काठमाडौं । गएराति आएको भीषण बाढीमा परेर बेपत्ता भएका सात जनाको शव फेला परेको छ। जिल्ला प्रहरी कार्यालय रसुवाका अनुसार शवहरू विभिन्न स्थानबाट फेला पारिएका हुन्।
भोटेकोशी नदीमा आएको बाढीले १८ जना बेपत्ता बनाएको थियो। हालसम्म बाढीमा फसेका ५५ जनाको सफल उद्धार गरिएको छ।
बाढीले नेपाल–चीन व्यापारिक आवागमनको मुख्य नाका टिमुरेमा रहेको मितेरी पुलसमेत बगाएको छ। बाढीका कारण ठूलो भौतिक क्षति पुगेको छ भने खोजी तथा उद्धार कार्य जारी रहेको छ।
प्रकाशित मिति: २४ असार २०८२, मंगलबार
प्रतिक्रिया