धनुषा । जनकपुरधाम उपमहानगरपालिका–९, ब्रह्मपुरीस्थित थापा चोक नजिक आज बिहान रेल र कार एक आपसमा ठोक्किँदा दुर्घटना भएको छ।
बागमती प्रदेश ०१–०२५ च १२९० नम्बरको कार बिहान करिब ८ः३० बजे महोत्तरीको पिपराढी स्टेशनबाट जनकपुरधामतर्फ आउँदै गरेको नेपाल रेल्वेको रेलसँग ‘क्रसिङ एरिया’मा ठोक्किएको जिल्ला प्रहरी कार्यालयका प्रवक्ता बरुणबहादुर सिंहले जानकारी दिए।
स्थानीय प्रत्यक्षदर्शीका अनुसार ठक्करको आवाज ठूलो थियो। कारमा सवार तीनै जना सामान्य रूपमा घाइते भएका छन् भने गाडीमा ठूलो क्षति पुगेको छ।
दुर्घटनापछि केही समय रेल सेवा अवरुद्ध भएको र घटनाबारे थप अनुसन्धान जारी रहेको प्रहरी प्रवक्ता सिंहले बताए।
प्रकाशित मिति: २५ श्रावण २०८२, आइतबार
प्रतिक्रिया