काठमाडौं । सभामुख देवराज घिमिरे र प्रमुख सचेतकहरूबीच आज निर्धारित संयुक्त बैठक स्थगित भएको छ। सभामुख घिमिरेले मंगलबार बिहान ११ बजेका लागि बैठक बोलाएका थिए।
तर कार्यव्यस्तताका कारण तय भएको समयमै बैठक बस्न नसकेपछि त्यसलाई स्थगित गरिएको सभामुखका प्रेस विज्ञ शेखर अधिकारीले जानकारी दिएका छन्।
उक्त बैठकमा प्रतिनिधिसभाको आगामी कार्यसूची, विभिन्न विधेयक र प्रतिवेदनहरूका विषयमा छलफल हुने तय गरिएको थियो। साथै, गत जेठ १३ गतेदेखि राष्ट्रिय स्वतन्त्र पार्टी र राष्ट्रिय प्रजातन्त्र पार्टीले ‘भिजिट भिसा सेटिङ’ प्रकरणमा संसदीय विशेष छानबिन समिति वा न्यायिक छानबिन आयोग गठन गर्नुपर्ने मागसहित गरिरहेको प्रतिनिधिसभा बहिष्कारबारे पनि छलफल हुने तयारी थियो।
प्रकाशित मिति: २७ श्रावण २०८२, मंगलबार
प्रतिक्रिया