काठमाडौं । नेपाल कम्युनिष्ट पार्टी (एकीकृत समाजवादी) ले पार्टी अनुशासन विपरीत अभिव्यक्ति नदिन नेताकार्यकर्तालाई निर्देशन दिएको छ।
मंगलबार जारी निर्देशमा पार्टीले सार्वजनिक रूपमा वा सामाजिक सञ्जालमार्फत विधि र पद्धति उल्लङ्घन हुने किसिमका टीकाटिप्पणी नगर्न आग्रह गरेको हो।
केन्द्रीय अनुशासन आयोगका अध्यक्ष शिवबहादुर देउजाले पार्टीको छवि र एकता प्रभावित हुने गतिविधिबाट टाढा रहन सबैलाई अनुरोध गर्दै भने, “केन्द्रीय नेताहरूको कार्यविभाजन भइसकेको अवस्थामा फरक धारणा वा सुझाव आफ्नै सङ्गठित कमिटीको बैठकमा राख्नुपर्छ।”
हालै अध्यक्ष माधवकुमार नेपाल र वरिष्ठ नेता झलनाथ खनालबीच आरोप–प्रत्यारोप चलेको घटनापछि पार्टीले यो निर्देशन सार्वजनिक गरेको हो।
प्रकाशित मिति: २७ श्रावण २०८२, मंगलबार
प्रतिक्रिया