मकवानपुर । बागमती प्रदेशसभाका प्रमुख विपक्षी दल माओवादी केन्द्रले मुख्यमन्त्री इन्द्रबहादुर बानियाँलाई विश्वासको मत दिन असहमति जनाएको छ।
माओवादी केन्द्रका नेता शालिकराम जम्कट्टेलले मंगलबारको प्रदेशसभा बैठकमा मुख्यमन्त्रीलाई विश्वासको मत दिने अवस्था अहिले नरहेको स्पष्ट पारेका छन्।
जम्कattelले गठबन्धनको सरकारले संविधान मिच्ने कार्य गरेको आरोप लगाउँदै, मुख्यमन्त्रीले नियुक्त गरेका मन्त्रीहरूलाई शपथ नलिइ प्रदेश प्रमुखले प्रशासनिक प्रणालीमा हस्तक्षेप गरेको बताए। उनले प्रदेश प्रमुखको स्वास्थ्य स्थितिबाट मात्र नभई यसलाई राजनीतिक विषय पनि मानिएको बताए।
उनले वर्तमान सरकार संविधानको मर्म र भावना अनुसार चलिरहेको छैन भन्दै प्रश्न गरे। जनयुद्ध र जनआन्दोलनको ऐतिहासिक पृष्ठभूमि सम्झिँदै उनले भने, ‘एक पार्टीले नियमित सेना बनाएर आम जनताको हकहितका लागि संघर्ष गरी अहिलेको व्यवस्था ल्याएको हो। तर अहिलेको सरकार प्रदेशको भावना र विचारभन्दा भिन्न छ।’
जम्कट्टेलका अनुसार यस अवस्थामा मुख्यमन्त्रीलाई काम गर्न ठूलो चुनौती छ। साथै, सरकारले संविधान र कार्यक्षेत्रको सीमाना नबुझी काम गरेको र सरकार मानोपाली ढंगले सञ्चालन नहुनुपर्ने बताएका छन्।
उनले थपे, “सरकारलाई संविधान, ऐन र कानुनको कार्यान्वयनमार्फत निर्देशित गरेर नयाँ तरिकाले अघि बढ्नु आवश्यक छ।”
प्रकाशित मिति: २७ श्रावण २०८२, मंगलबार
प्रतिक्रिया