काठामाडाैं । कैलाली कारागारमा कैदीबन्दीको मृत्यु भएको घटनापछि प्रमुख जिल्ला अधिकारी (सिडिओ) गोगनबहादुर हमाललाई गृह मन्त्रालयमा तानेर सरुवा गरिएको छ।
बुधबार मन्त्रालयले हमाललाई बोलाएर उनको स्थानमा दाङका सिडिओ कृष्णप्रसाद लम्साललाई नियुक्त गरेको हो। लम्साललाई दाङबाट कैलाली पठाइएको छ भने दाङमा हाल नयाँ सिडिओको तोकाइ भएको छैन।
साउन २३ गते राति कैलाली कारागारका दुई ब्लकमा रहेका कैदीबन्दीबीच भएको झडपमा धनगढी उपमहानगरपालिका–४ का ४० वर्षीय कैदीबन्दी भरत चौधरीको मृत्यु भएको थियो। घटनामा ४७ जना कैदीबन्दी घाइते भएका थिए।
प्रकाशित मिति: २९ श्रावण २०८२, बिहिबार
प्रतिक्रिया