काठमाडौं । नेकपा एमालेका सांसद सूर्य थापाले राष्ट्रिय प्रजातन्त्र पार्टी (राप्रपा) की सांसद रोशन कार्कीको अभिव्यक्ति आपत्तिजनक भएको भन्दै प्रतिनिधि सभाको रेकर्डबाट हटाउन माग गरेका छन्।
संसद बैठकमा बोल्दै सांसद कार्कीले कांग्रेस–एमालेका सांसदहरूले “खाली कागजमा सही गरेको” भन्दै धिक्कार प्रकट गरेकी थिइन्।
उनको भनाइपछि तत्क्षण उठेका सांसद थापाले यस्तो अभिव्यक्ति लाञ्छनापूर्ण भएको दाबी गर्दै भने, “हामी मण्डले तन्त्रविरुद्ध लडेर आएका हौं, सार्वभौम जनताको प्रतिनिधि हौं। यस्तो टिप्पणी अस्वीकार्य छ, रेकर्डबाट हटाउनुपर्छ।”
थापाले आफूहरूले जानेर–बुझेर मात्रै हस्ताक्षर गरेको स्पष्ट गर्दै कार्कीको आरोपलाई खण्डन गरे।
प्रकाशित मिति: ४ भाद्र २०८२, बुधबार
प्रतिक्रिया