काठमाडौं । प्रधानमन्त्री केपी शर्मा ओलीले कर्णाली प्रदेश विगतको भन्दा आज निकै परिवर्तन भएको बताएका छन्। बिहीबार साँझ आयोजित ‘जुरुक्क कर्णाली’ कार्यक्रममा बोल्दै उनले कर्णालीसँगै समग्र देश पनि प्रगतिशील दिशामा अघि बढिरहेको धारणा व्यक्त गरे।
प्रधानमन्त्री ओलीले सामाजिक सञ्जालमा लेखेका छन्, “हामी कर्णालीलाई जुरुक्क उठाउँदैछौँ। जुरुक्क उठ्दैछ कर्णाली, जुरुक्क उठ्दैछ देश!”
उनले डेढ वर्षअघि सम्पन्न मध्यपहाडी एक महिने भ्रमणको अनुभव सम्झिँदै दैलेख बजारको डाँडाबाट राति देखिएको झिलिमिली बिजुलीमा आशाको प्रकाश देखेको सुनाए। उनले भने, “दैलेखमा भूगर्भबाट निकालिँदै गरेको ग्यास, निर्माणाधीन अस्पताल र सडक परियोजनाले कर्णालीको उज्जवल भविष्यको संकेत दिइरहेको थियो।”
प्रधानमन्त्री ओलीले थपे, “नेपालगञ्ज हुँदै भारत र हिल्सा हुँदै चीन जोड्ने सडकले हाम्रो कर्णालीको जडीबुटी र अन्य कृषि उत्पादनलाई अन्तर्राष्ट्रिय बजारसम्म पुर्याउने महत्त्वपूर्ण माध्यम बन्नेछ।”
प्रकाशित मिति: ६ भाद्र २०८२, शुक्रबार
प्रतिक्रिया