काठमाडौं । युक्रेनले आइतबार आफ्नो राष्ट्रिय स्वतन्त्रता दिवस धुमधामसँग मनाएको छ। यस अवसरमा युक्रेनी राष्ट्रपति भोलोडिमिर जेलेन्स्कीले सहकर्मी राष्ट्रहरू र सहयोगीहरूको साथमा देशमा दिगो शान्ति स्थापनाको आशा व्यक्त गरेका छन्।
राष्ट्रलाई सम्बोधन गर्दै उनले भने, “युक्रेन पीडित होइन, यो एक लडाकु राष्ट्र हो।”
यस अवसरमा अमेरिकी राष्ट्रपति डोनाल्ड ट्रम्पसहित विभिन्न विश्व नेताहरूले युक्रेनलाई शुभकामना दिएका छन्। ट्रम्पले सामाजिक सञ्जालमार्फत युक्रेनी जनताको साहसले विश्वभर प्रेरणा दिएको उल्लेख गर्दै रुस–युक्रेन युद्ध वार्तामार्फत अन्त्य हुनुपर्नेमा समर्थन जनाएका छन्।
जेलेन्स्कीले ट्रम्पलाई धन्यवाद दिँदै भने, “युक्रेनको स्वतन्त्रता दिवसमा शुभकामना दिनुभएकोमा आभार। हामी दृढ छौं—संगै काम गरेर यो युद्ध अन्त्य गर्न सक्छौं।”
प्रकाशित मिति: ८ भाद्र २०८२, आइतबार
प्रतिक्रिया