काठमाडौं । फुटपाथ व्यापारीले काठमाडौं महानगरको कार्यालयमा नाराबाजी गरेका छन् । काठमाडौं महानगरले फुटपाथ व्यवस्थापन भन्दै साना व्यवसायीलाई हटाएको भन्दै उनिहरुले महानगरको प्राङ्गणमा नाराबाजी गरेका हुन्।
मेयर बालेन्द्रलाई भेटेर ज्ञापनपत्र बुझाउन खोजेपनि वास्ता नगरेको भन्दै फुटपाथ ब्यापारीहरुले नाराबाजी गरेका हुन्। उनीहरुले हामी बाँच्न पाउने अधिकार सुनिश्चित गर, रोजगारीको ग्यारेन्टी गर, फुटपाथ व्यवसायीको व्यवस्थापन गर, गाँसबासको ग्यारेन्टी गर, श्रमको सम्मान गर, नगर प्रहरीको अत्याचार बन्द गर, विना विकल्प धोका दिन पाइदैन जस्ता नारा लगाएका छन् ।
स्वतन्त्र राष्ट्रवादी स्वरोजगार श्रमिक संघर्ष समितिको नाममा ज्ञापन पत्र बुझाउन गएका उनीहरुले ३ बुँदे माग एक हप्ताभित्र पूरा नगरे अझै चर्को आन्दोलन गर्ने चेतावनी दिएका छन्।
प्रकाशित मिति: ७ भाद्र २०७९, मंगलबार
प्रतिक्रिया