काठमाडौं । दार्चुला जिल्लामा सोमबार दिउँसो हल्का भूकम्पको धक्का महसुस गरिएको छ। राष्ट्रिय भूकम्प मापन तथा अनुसन्धान केन्द्रका अनुसार दिउँसो २ बजेर ४३ मिनेटमा गोकुलेश्वर आसपास केन्द्रविन्दु रहेको ३.५ म्याग्निच्युडको भूकम्प रेकर्ड गरिएको हो।
केन्द्रका अनुसार यो सानो परिमाणको भूकम्प भएकाले ठूलो क्षति वा व्यापक प्रभाव परेको छैन। चार म्याग्निच्युडभन्दा कमका भूकम्प सामान्यतया धेरैले महसुस गर्न कठिन हुने बताइन्छ।
यसअघि कात्तिक २१ गते अछाममा ४ म्याग्निच्युडको भूकम्प गएको थियो। पछिल्ला दिनमा सुदूरपश्चिम क्षेत्रमा साना भूकम्पका गतिविधि क्रमशः भइरहेका छन्।
प्रकाशित मिति: २४ कार्तिक २०८२, सोमबार
प्रतिक्रिया