बुटवल । सहकारी ठगी र संगठित अपराधको अभियोगमा थुनामा रहेका राष्ट्रिय स्वतन्त्र पार्टी (रास्वपा)का सभापति रवि लामिछाने र पूर्व गोर्खा मिडिया सञ्चालक छविलाल जोशीको मुद्दा उच्च अदालत तुलसीपुर बुटवल इजलासको संयुक्त बेञ्चमा परेको छ ।
आजका लागि तोकिएको उक्त मुद्दा न्यायाधीश वासुदेव आचार्य र ओमप्रसाद अर्यालको संयुक्त इजलासमा पेश भएको हो । अदालतका अनुसार यो मुद्दा एक नम्बर इजलासको पहिलो क्रमसंख्यामा सूचीकृत गरिएको छ ।
यसअघि कात्तिक २० गते उच्च अदालतले सो मुद्दासम्बन्धी सबै प्रमाण तथा मिसिल झिकाउने आदेश दिएको थियो । गत हप्तासमेत न्यायाधीश आचार्य र अर्यालको बेञ्चमा यस मुद्दाको प्रारम्भिक सुनुवाइ भएको थियो ।
प्रकाशित मिति: २७ कार्तिक २०८२, बिहिबार
प्रतिक्रिया