काठमाडौँ । नेपाली कांग्रेसका महामन्त्री गगनकुमार थापाको नाम रोल्पाबाट प्रतिनिधिसभा सदस्यको उम्मेदवारका रूपमा औपचारिक रूपमा सिफारिस गरिएको छ। कांग्रेस लुम्बिनी प्रदेश समितिले थापासहित पाँच जनाको नाम उम्मेदवारीका लागि केन्द्रमा पठाएको हो।
सिफारिस सूचीमा महामन्त्री थापासँगै लुम्बिनी प्रदेश कांग्रेस सभापति अमरसिंह पुन, मनोजमणि आचार्य, मन्दीप सुवेदी र ज्ञानबहादुर वलीको नाम समावेश गरिएको छ।
यसअघि महामन्त्री थापा निरन्तर काठमाडौं निर्वाचन क्षेत्र नम्बर ४ बाट निर्वाचित हुँदै आएका छन्। उनले फागुन २१ मा हुने निर्वाचनमा पनि काठमाडौं ४ बाटै उम्मेदवारी दिने सार्वजनिक घोषणा गरेका थिए।
प्रकाशित मिति: २३ मंसिर २०८२, मंगलबार
प्रतिक्रिया