काठमाडौँ । जेन–जी अगुवा सुनिल सिंहले युवा तथा खेलकुद मन्त्री बब्लु गुप्तालाई तत्काल राजीनामा दिन चेतावनी दिएका छन्।
अमेरिका भ्रमणको विषयलाई लिएर मन्त्री गुप्ता विवादमा तानिएको अवस्थामा सिंहले सामाजिक सञ्जालमार्फत कडा अभिव्यक्ति सार्वजनिक गरेका हुन्।
सिंहले सामाजिक सञ्जालमा लेखेका छन्, “सहिदको सपनामाथि बब्लु गुप्ताको रजगज स्वीकार्य छैन।” उनले मन्त्री गुप्ताले २४ घन्टाभित्र राजीनामा नदिए पुत्ला दहन गर्ने र मन्त्री क्वाटर घेर्ने चेतावनीसमेत दिएका छन्।
शहिदको बलिदानबाट प्राप्त उपलब्धिलाई व्यक्तिगत स्वार्थ र सत्ता दुरुपयोगका लागि प्रयोग गर्नु गम्भीर अपराध भएको उनले बताएका छन्। मन्त्री गुप्ताको अमेरिका भ्रमणको नाममा भएको गतिविधिले सरकार र मन्त्रीको नैतिकतामाथि प्रश्न उठेको भन्दै उनले तत्काल राजिनामा माग गरेका छन्।
मन्त्री गुप्ताको अमेरिका भ्रमणको विषयलाई लिएर पछिल्लो समय विभिन्न राजनीतिक तथा सामाजिक वृत्तबाट आलोचना बढ्दै गएको छ।
प्रकाशित मिति: २५ पुस २०८२, शुक्रबार
प्रतिक्रिया