विराटनगर । विराटनगर महानगरपालिकाको मुख्य चोक बरगाछीबाट सुनसरीसँगको सीमा छुट्याउन केसलिया खोलासम्मको ४ किलोमिटरमा तीन किलोमिटर सडक ग्राभेल छ । ग्राभेल सडक कालोपत्रे नभएपछि स्थानीयबासिन्दाले चुनावको मुखमा नेता बहिस्कार अभियान सञ्चालन गरेका छन् । एक वर्षअघि सुरु भएको नेता बहिस्कार अभियान उनीहरुले फेरि सञ्चालन गरेका हुन् ।
‘तीन किलोमिटर सडक वर्खामा हिलाम्मे र हिउँदमा धुलाम्मे हुन्छ,’ सुदीप लम्साल भन्छन्, ‘सडक कालोपत्रे गर्न पटक पटक माग गरियो, नभएपछि नेता बहिस्कार अभियान सुरु गर्यौं ।’
विराटनगर महानगरपालिका– ४ र ५ मा पर्ने जमुनगाछीका बासिन्दाले प्रदेश तथा प्रतिनिधिसभा निर्वाचनमा नेता बहिस्कार अभियान सुरु गरेको उनले बताए ।
प्रकाशित मिति: १ कार्तिक २०७९, मंगलबार
प्रतिक्रिया