काठमाडौं । नेपाली कांग्रेसका कार्यवाहक सभापति पूर्णबहादुर खड्काको निवास आसपास सुरक्षा व्यवस्था कडा पारिएको छ । बुढानीलकण्ठ नगरपालिका–७ स्थित हात्तिगौंडा, हेपाली हाइट क्षेत्रमा रहेको खड्काको घर वरपर उल्लेख्य सङ्ख्यामा प्रहरी परिचालन गरिएको हो ।
नेपाली कांग्रेसका महामन्त्रीद्वय गगन थापा र विश्वप्रकाश शर्माको आयोजनामा आइतबारदेखि काठमाडौंको भृकुटीमण्डपमा विशेष महाधिवेशन सुरु भएको छ । आजदेखि महाधिवेशनको बन्दसत्र प्रारम्भ हुँदैछ । पार्टीका बहुमत प्रतिनिधि विशेष महाधिवेशनमा सहभागी भइसकेका छन् ।
उपत्यका प्रहरी कार्यालयका एक अधिकृतका अनुसार सम्भावित जोखिमलाई ध्यानमा राख्दै पूर्वसावधानीका रूपमा खड्काको निवास क्षेत्रमा थप सुरक्षाकर्मी खटाइएको हो । ‘सुरक्षा संवेदनशीलतालाई मध्यनजर गर्दै आवश्यक व्यवस्था मिलाइएको छ,’ उनले बताए ।
प्रकाशित मिति: २८ पुस २०८२, सोमबार
प्रतिक्रिया