काठमाडौं – म्यानमारमा ६ म्याग्निच्युडको भूकम्प गएको छ। जर्मन रिसर्च सेन्टर फर जियोसाइन्सेस (जीएफजेड)का अनुसार भूकम्पको गहिराइ १० किलोमिटर रहेको थियो।
जानकारीअनुसार भूकम्पको केन्द्रबिन्दु अक्याब (सिटवे)बाट करिब ११२ किलोमिटर पूर्वमा थियो। मंगलबार गएको भूकम्पको धक्का भारत र बांग्लादेशसम्म महसुस गरिएको थियो। भारतीय सञ्चारमाध्यमका अनुसार पश्चिम बंगालका धेरै क्षेत्रमा, विशेष गरी कोलकाता र आसपासका ठाउँमा यो धक्का महसुस भएको छ। बांग्लादेशका विभिन्न भागमा पनि भूकम्पको असर महसुस भएको थियो।
युरोपेली–भूमध्यसागरीय भूकम्प विज्ञान केन्द्र (ईएमएससी)ले यसलाई म्यानमारमा पछिल्ला समयका प्रमुख भूकम्पमध्ये एक भएको जनाएको छ। हालसम्म ठूलो क्षति वा मृत्युको रिपोर्ट भने आएको छैन। भूकम्प सामान्य भए तापनि यसले स्थानीय बासिन्दालाई त्रसित बनाएको छ।
प्रकाशित मिति: २१ माघ २०८२, बुधबार
प्रतिक्रिया