काठमाडौं । साविक विजेता नेपाल पुलिस क्लब काभा महिला भलिबल लिगको सेमिफाइनलबाट बाहिरिएको छ।
माल्दिभ्सको मालेस्थित सोसल सेन्टर इन्डोर हलमा सोमबार सम्पन्न दोस्रो तथा अन्तिम सेमिफाइनलमा पुलिस क्लब काजकिस्तानको तुरान भलिबल क्लबसँग ३–० को सोझो सेटमा पराजित भयो। पुलिसले खेल २५–१४, २५–१३ र २५–११ को सेटमा गुमाएको हो।
अब उपाधिका लागि काजकिस्तानको तुरान भलिबल क्लबले इरानी क्लब फौलादसँग फाइनल खेल्नेछ। फौलादले श्रीलंकाको हिरदारमणि एससीलाई २५–१२, २५–९ र २५–१६ को सेटमा हराउँदै फाइनलमा स्थान बनाएको हो।
प्रकाशित मिति: २७ माघ २०८२, मंगलबार
प्रतिक्रिया