काठमाडौं । नेकपा एमालेका अध्यक्ष केपी शर्मा ओलीले राष्ट्रिय स्वतन्त्र पार्टी (रास्वपा)ले चुनाव जित्न नसक्ने निष्कर्ष निकालेपछि चुनाव भाँड्ने प्रयास गरिरहेको आरोप लगाएका छन्।
शनिबार भद्रपुर विमानस्थलमा सञ्चारकर्मीहरूसँग कुरा गर्दै उनले रास्वपाले झन्डा जलाउने, अमर्यादित व्यवहार गर्ने र तनाव सिर्जना गर्ने गतिविधि बढाएको बताए। यस्ता गतिविधिले रास्वपा चुनाव प्रभावित पार्ने वा भाँड्ने दिशातर्फ लागेको संकेत गर्ने उनको भनाइ थियो।
ओलीले रास्वपाको प्रवृत्ति आफ्नो पक्षमा परिणाम आएमा मात्रै चुनाव स्वीकार गर्ने, तर अनुकूल नतिजा नआए चुनाव हुन नदिने खालको देखिएको पनि टिप्पणी गरे।
प्रकाशित मिति: १० फाल्गुन २०८२, आइतबार
प्रतिक्रिया