काठमाडौं । लागुऔषध ब्राउन सुगरसहित दुई जनालाई पक्राउ गरिएको छ। प्रहरीले टोखा नगरपालिका–९ स्थित एक गेष्ट हाउसबाट उनीहरूलाई पक्राउ गरी आज सार्वजनिक गरेको हो।
पक्राउ पर्नेहरू पर्सा, धोवनी गाउँपालिका–२ का ३५ वर्षीय अरबिनकुमार मेहता र नुवाकोट, बेलकोटगढी नगरपालिका–१ का २९ वर्षीय निरोज पुडासैनी रहेका छन्। केन्द्रीय प्रहरी प्रवक्ता तथा प्रहरी नायब महानिरीक्षक अविनारायण काफ्लेका अनुसार, प्रहरी प्रभाग गोंगबुबाट खटिएको टोलीले उनीहरूलाई करिब २२ ग्राम १८ मिलिग्राम ब्राउन सुगरसहित पक्राउ गरेको हो।
प्रहरीले यस विषयमा थप अनुसन्धान गरिरहेको जनाएको छ।
प्रकाशित मिति: १० फाल्गुन २०८२, आइतबार
प्रतिक्रिया