काठमाडौं। काठमाडौंको पेप्सीकोला छाप्रो चोक नजिकै बसको छतबाट खसेर एक महिलाको मृत्यु भएको छ।
प्रहरीका अनुसार मृत्यु हुनेमा पेप्सीकोला बस्दै आएकी दोलखा चरिकोट घर भएकी ६५ वर्षीया रामकुमारी भुजेल रहेकी छन्।
जडीबुटीबाट पेप्सीकोला चोकतर्फ आउँदै गरेको बा.४ ख ५७५४ नम्बरको बसको छतबाट शनिबार दिउँसो उनी खसेकी थिइन्। गम्भीर घाइते भएकी भुजेलको अन्नपूर्ण अस्पताल मा उपचारका क्रममा आइतबार बिहान मृत्यु भएको प्रहरीले जनाएको छ।
घटनापछि बस चालकलाई प्रहरीले नियन्त्रणमा लिएर अनुसन्धान सुरु गरेको छ।
प्रकाशित मिति: १० फाल्गुन २०८२, आइतबार
प्रतिक्रिया