काठमाडौं । सर्वोच्च अदालतले नेकपा अध्यक्ष ऋषिराम कट्टेललाई पक्राउ गर्नुको कारणसहित अदालतमा उपस्थित गराउन आदेश जारी गरेको छ।
कट्टेलको हकमा छोरा रुपेश कट्टेलले दायर गरेको बन्दीप्रत्यक्षीकरण रिटमा सुनुवाइ गर्दै न्यायाधीश टेकप्रसाद ढुंगानाको एकल इजलासले कट्टेललाई अदालतमा उपस्थित हुन र लिखित जवाफ पेश गर्न गृहमन्त्रालयसमेतलाई आदेश दिएको हो।
काठमाडौं उपत्यका अपराध अनुसन्धान कार्यालयले गत फागुन ६ गते कट्टेललाई कीर्तिपुरबाट पक्राउ गरेको थियो। प्रहरीको हिरासतमा हालसम्म नेकपा बहुमतका महासचिव धर्मेन्द्र बास्तोला, नेता विष्णुप्रसाद तिमिल्सिना र दुर्गा प्रसाईं समूहका एसपी साह रहेका छन्।
यसअघि दुर्गा प्रसाईंको रिटमा पनि सर्वोच्च अदालतले गत शुक्रबार उनलाई बन्दीसहित अदालतमा उपस्थित गराउन आदेश जारी गरेको थियो।
प्रकाशित मिति: १० फाल्गुन २०८२, आइतबार
प्रतिक्रिया