काठमाडौँ । प्रतिनिधिसभा सदस्य निर्वाचनअन्तर्गत आज देशभर मतदान सुरु भएको छ। देशका ७७ वटै जिल्लामा बिहान ७ बजेदेखि एकै चरणमा मतदान प्रक्रिया सञ्चालनमा आएको हो।
सङ्घीय लोकतान्त्रिक गणतन्त्र स्थापना भएपछि प्रतिनिधिसभाका लागि भइरहेको यो तेस्रो निर्वाचन हो। यसअघि २०७४ र २०७९ सालमा पनि निर्वाचन सम्पन्न भएको थियो।
आज ‘पहिलो हुने निर्वाचित हुने निर्वाचन प्रणाली’ (प्रत्यक्ष) अन्तर्गत १६५ निर्वाचन क्षेत्र र समानुपातिकतर्फ ११० सिटका लागि मतदान भइरहेको छ।
प्रत्यक्ष प्रणालीतर्फ ६१ वटा निर्वाचन चिह्न लिएर ६५ राजनीतिक दल चुनावी प्रतिस्पर्धामा रहेका छन्। प्रत्यक्षतर्फ तीन हजार १७ पुरुष, ३८८ महिला र एक अन्य गरी कुल तीन हजार ४०६ उम्मेदवार प्रतिस्पर्धामा छन्।
त्यस्तै, समानुपातिक निर्वाचन प्रणालीतर्फ एक हजार ३६३ पुरुष र एक हजार ७७२ महिला गरी तीन हजार १३५ उम्मेदवार चुनावी मैदानमा छन्।
प्रकाशित मिति: २१ फाल्गुन २०८२, बिहिबार
प्रतिक्रिया