काठमाडौं । झापामा प्रतिनिधिसभा निर्वाचनअन्तर्गत उत्साहपूर्ण वातावरणमा मतदान सुरु भएको छ। मुख्य निर्वाचन कार्यालयका सहायक निर्वाचन अधिकारी डिल्लीप्रसाद प्रसाईं ले निर्धारित समयमै मतदान प्रक्रिया सुरु भएको जानकारी दिएका छन्।
झापा का पाँच वटा निर्वाचन क्षेत्रबाट ९० जना उम्मेदवार चुनावी प्रतिस्पर्धामा रहेका छन्। जिल्लामा ७ लाख १३ हजार ५३७ मतदाताले मतदान गर्ने अपेक्षा गरिएको छ।
मतदातामध्ये ३ लाख ५८ हजार ३४६ पुरुष, ३ लाख ५५ हजार ८३ महिला र ८ जना अन्य रहेका छन्। जिल्ला निर्वाचन कार्यालय का अनुसार २०७९ सालको प्रतिनिधिसभा निर्वाचनको तुलनामा यस पटक ५० हजार २२६ मतदाता र ४९ वटा मतदान केन्द्र थपिएका छन्।
जिल्लाभर २८५ मतदानस्थलमा ८१५ मतदान केन्द्र कायम गरिएको छ। निर्वाचन सम्पन्न गराउन ८१५ मतदान अधिकृतसहित कुल चार हजार ९३६ कर्मचारी परिचालन गरिएको छ।
प्रकाशित मिति: २१ फाल्गुन २०८२, बिहिबार
प्रतिक्रिया