काठमाडौं । दोलखाको तामाकोसी गाउँपालिका–४ स्थित गोल्मेश्वर माध्यमिक विद्यालयमा रहेको मतदान केन्द्रमा अवरुद्ध भएको मतदान पुनः सञ्चालन गर्ने सहमति भएको छ।
घटनापछि बसेको सर्वदलीय बैठकले मतदान प्रक्रिया पुनः सुरु गर्ने निर्णय गरेको बागमती प्रदेश प्रहरी कार्यालयका डीआईजी दिपक रेग्मीले जानकारी दिएका छन्।
मतदान केन्द्रमा खटिएका कर्मचारीमाथि एक समूहले हातपात गर्न खोजेपछि स्थिति नियन्त्रणमा लिन प्रहरीले एक राउन्ड हवाई फायर गरेको थियो।
डीआईजी रेग्मीका अनुसार सर्वदलीय सहमतिपछि मतदान प्रक्रिया पुनः सञ्चालन गर्ने तयारी भइरहेको छ। उनले भने, ‘मतदान पुनः सुरु गर्ने सहमति भइसकेको छ, केहीबेरमै मतदान प्रक्रिया अघि बढ्छ।’
प्रकाशित मिति: २१ फाल्गुन २०८२, बिहिबार
प्रतिक्रिया