काठमाडौं । राष्ट्रिय स्वतन्त्र पार्टीका वरिष्ठ नेता बालेन्द्र शाह निर्वाचन आयोगबाट अनुमति नलिई हेलिकप्टर चढेर झापातर्फ उडेपछि उक्त हेलिकप्टरलाई अवतरण गर्न नदिई काठमाडौं फर्काइएको खुलासा भएको छ।
शाहले काठमाडौंमा मतदान गरेपछि हेली एभरेस्टको हेलिकप्टरमार्फत झापातर्फ प्रस्थान गरेका थिए। तर उनी सवार हेलिकप्टर झापामा अवतरण नगरी पुनः त्रिभुवन अन्तर्राष्ट्रिय विमानस्थल काठमाडौं फर्किएको थियो।
त्रिभुवन अन्तर्राष्ट्रिय विमानस्थल स्रोतका अनुसार निर्वाचन आयोगबाट आवश्यक अनुमति नलिइकन हेलिकोप्टर उडान गरिएको पाइएपछि झापामा अवतरण गर्न अनुमति नदिइएको हो।
स्रोतका अनुसार, ‘निर्वाचन आयोगको अनुमति लिएको पुष्टि नभएकाले हेलिकप्टरलाई फर्काउन निर्देशन दिइएको हो।’
प्रकाशित मिति: २१ फाल्गुन २०८२, बिहिबार
प्रतिक्रिया