काठमाडौं । पूर्वराजा ज्ञानेन्द्र शाहले जारी प्रतिनिधिसभा निर्वाचनमा मतदान गरेका छैनन्। मतदाता नामावलीमा नाम भए पनि उनले मतदान प्रक्रियामा सहभागी नहुने निर्णय लिएका हुन्।
निकट स्रोतका अनुसार पूर्वराजा ज्ञानेन्द्रले वर्तमान राजनीतिक परिस्थितिमा आफूले मतदान गर्नु उपयुक्त नहुने ठानेका छन्।
राजसंस्थाको हैसियत र आफ्नो पूर्वराजाको भूमिकालाई ध्यानमा राख्दै उनले निर्वाचन प्रक्रियाबाट टाढा रहने निर्णय गरेको बताइएको छ।
नेपालमा सन् २००८ पछि राजसंस्था अन्त्य भई देश संघीय लोकतान्त्रिक गणतन्त्रमा रूपान्तरण भएको थियो। त्यसयता पूर्वराजा ज्ञानेन्द्र शाह सार्वजनिक रूपमा सक्रिय राजनीति नगरी बस्दै आएका छन् भने उनले हालसम्म कुनैपनि निर्वाचनमा भाग लिएका छैनन्।
यसअघि भएका निर्वाचनहरूमा पनि उनले मतदान नगरेको चर्चा हुँदै आएको थियो। यसपटक पनि उनले मतदान नगरेपछि त्यसबारे विभिन्न राजनीतिक तथा सामाजिक वृत्तमा चर्चा सुरु भएको छ।
प्रकाशित मिति: २१ फाल्गुन २०८२, बिहिबार
प्रतिक्रिया