काठमाडौं। रुकुमपश्चिमबाट प्रतिनिधि सभा सदस्य निर्वाचन लडेका प्रगतिशील लोकतान्त्रिक पार्टीका अध्यक्ष जनार्दन शर्मा तेस्रो हुँदै पराजित भएका छन् । उक्त क्षेत्रमा नेपाली कम्युनिष्ट पार्टी (नेकपा) का उम्मेदवार गोपाल शर्मा निर्वाचित भएका छन् ।
निर्वाचन आयोगका अनुसार गोपाल शर्मा २१ हजार ६०९ मत प्राप्त गरी विजयी भएका हुन्। उनका निकतटम प्रतिस्पर्धी नेपाली कांग्रेसका राजु केसीले १६ हजार ६६१ मत प्राप्त गरेर दोस्रो स्थानमा पुगेका छन् । त्यस्तै, प्रगतिशील लोकतान्त्रिक पार्टीका जनार्दन शर्माले १४ हजार ३४६ मत प्राप्त गरेका छन् भने राष्ट्रिय स्वतन्त्र पार्टीका मानबहादुर शाहीले चार हजार ७६ मत प्राप्त गरेका छन् ।
त्यहाँ नेकपा (एमाले) का नन्दराम देवकोटाले एक हजार ८६९, नेकपा (माओवादी) का चन्द्रबहादुर बुढाले ३६६ मत प्राप्त गरे । एउटामात्रै निर्वाचन क्षेत्र रहेको रुकुमपश्चिममा एक लाख ६ हजार ६६९ मतदाता रहेका थिए । त्यसमा ५४ हजार २६३ पुरुष र ५२ हजार ३९६ महिला मतदाता रहेका थिए ।
प्रकाशित मिति: २४ फाल्गुन २०८२, आइतबार
प्रतिक्रिया