काठमाडौं। इराकको बसरा नजिकै कच्चा तेल बोकेको अमेरिकी ट्याङ्करमा आक्रमण हुँदा एक भारतीय चालकको मृत्यु भएको छ ।
इराकस्थित भारतीय दूतावासले जारी गरेको विज्ञप्तिमा यो जानकारी दिइएको हो ।
दूतावासका अनुसार मार्च ११, २०२६ मा मार्शल टापुहरूको झण्डा फहराउँदै रहेको अमेरिकी तेल ट्याङ्कर ‘सेफसी विष्णु’ मा बसरा नजिकै आक्रमण भएको थियो ।
आक्रमणमा एक भारतीय चालकको मृत्यु भएको छ भने बाँकी १५ भारतीय चालक दलका सदस्यहरूलाई सुरक्षित स्थानमा लगिएको छ ।
विज्ञप्तिमा आक्रमण कसले गरेको हो भन्ने स्पष्ट उल्लेख गरिएको छैन ।
दूतावासले इराकी अधिकारीहरू तथा उद्धार गरिएका भारतीय नाविकहरूसँग निरन्तर सम्पर्कमा रहेको र आवश्यक सहयोग प्रदान गरिरहेको जनाएको छ ।
मृतक चालक दलका सदस्यका परिवारप्रति गहिरो समवेदना पनि व्यक्त गरिएको छ ।
यो घटना पश्चिम एसियामा जारी तनाव र द्वन्द्वको क्रममा भएको हो ।
इराकमा रहेका नेपाली तथा भारतीय नागरिकहरूको सुरक्षा जोखिम बढेको छ ।
परराष्ट्र मन्त्रालयले उच्च सतर्कता अपनाउन तथा अनावश्यक यात्रा नगर्न आग्रह गरेको छ ।
प्रकाशित मिति: २८ फाल्गुन २०८२, बिहिबार
प्रतिक्रिया